Alabel, Sarangani Province–Gi-apora na karon ni Alabel, Sarangani Mayor Vic Paul Salarda ang buhatan sa agrikultura sa munisipyo sa Alabel aron makahatag na og kompletong mga datus sa mga mag-uuma ngadto sa iyang buhatan.
Tumong niini nga mapadali na ang pag-apud-apod og mga semilya sa mga mag-uuma ilabi na kadtong mga naapektohan ang panginabuhian sa Covid-19 Pandemic.
Sumala ni Salarda nga karon nga panahon na sa ting-ulan, kinahanglan nang mahatag ang mga semilya aron matanom gilayon sa mga mag-uuma.
Buot usab ni Mayor Salarda nga mapaspasan ang proseso sa pagdetermina sa mga benepisyaryo ingon man ang pag-apud-apod sa mga semilya.
Gumikan niini plano sa Mayor nga hatagan og mga Identification o ID ang mga benepisyaryong mag-uuma sa ilang lugar aron nga dili na malangan sa paghatag sa mga ayuda.(JB)
