Alabel, Sarangani Province–Sobling gipanghimangnoan ni Alabel, Municipal Mayor Vic Paul Salarda ang tanang katawhan sa Alabel, Sarangani Province nga dili gayud magkumpiyansa sa panahon karun nga padayon pa ang pagsaka sa ihap sa kaso sa Covid-19.
Matud sa Mayor nga dapat gyud sundon ang mga health protocols nga ginaptuman sa gobyerno aron nga dili mataptan sa maong balatian. Dugang pa ni Salarda nga medyo mitaas ang kaso sa covid sa ilang munisipyo tungod sa mga close contact sa usa ka pasyenteng nagpositibo sa covid, gani nakatala na ang alabel ug 43 nga kinatibuk-ang kaso sa covid 19 kung asa duha na ang namatay, 31 ang mga nakarekober ug napulo ang aktibong kaso.
Tungod niini gibutyag ni Mayor Salarda nga kinahanglan humanon gayud ang 14 ka adlaw nga quarantine ug dili magsibat-sibat aron wala nay mahimong problema. Samtang nanawagan usab ang Mayor ngadto sa mga gipailawom sa quarantine nga isulti ang tinuod ug dili ilimod ang ilang mga ginabati sa lawas sanglit dapat ila gyud hulaton ang resulta sa swab test aron maseguro nga cleared na sa maong virus ayha sila tugutang makauli sa ilang mga panimalay. (RV)
