Gidakop sa mga otoridad ang usa Mayor sa lungsod sa Pantar, Lanao del Norte sa dihang mi-agi sa usa ka check point sa Iligan City niadtong Martes, usa ka adlaw sa wala pa ang Plebisito sa BOL sa Lanao del Norte niadtong Miyerkules tungod sa pagdala sa armas nga walay mga lisensiya
Ang suspect mao si Pantar Mayor Jabar Tago ug lakip sa gisikop ang iyang walo ka mga kaubang sibilyan ug iyang duha ka mga police escorts.
Lakip sa mga escorts ni Mayor Tago sila PO1 Johaimen Mohamad ug PO1 Rasid Lambay nga na-assign sa lungsod sa Pantar, Lanao del Norte.
Matud ni Supt. Surki Sereñas, Spokesperson sa Police Regional Office 10 nga giharang ug gi-aresto ang maong mga suspects human napakyas sa pagpakita sa ilang gun ban exemption sa Comelec sa ilang mga dala nga mga armas.
Nakuha sa mga pulis gikan ni Mayor Tago ug mga escorts ang ilang usa ka M-16 armalite riffle, usa ka 9MM pistol ug usa ka Caliber 45 Pistol.
