Patay ang Mayor sa lungsod Sto. Niño, South Cotabato human kining gipusil sa riding in tandem suspek bag-o mag alas 8:00 ang takna kaganinang buntag sa may Purok Libertad, Barangay Poblacion, Sto Nino, South Cotabato.
Subay sa inisyal nga report nag-inspection ang Mayor sa usa ka proyekto likod nga bahin sa barangay hall sa Brgy. Libertad sa lungsod ug samtang nagbaktas ang nahisgutan, gipusil kini sa wala mailhing mga suspek upat ka higayon nga nahimong hinungdan sa iyang kamatayon.
Nadala pa sa ospital ang biktima apan gibawian gihapon kini sa iyang kinabuhi gumikan sa grabeng samad nga naangkon sa nahisgutan sa iyang ulo nga bahin.
Usa usab ka personahe ang naangin sa maong pagpamusil human nga naigo kini sa iyang abaga.
Sa karon nagpadayon pa ang gihimong imbestigasyon sa kapulisan kalabutan sa insidente samtang nagpadayon pa ang hot pursuit operation sa otoridad sa maong pagpamusil.
Kung kahinumduman nga apil ang pangalan ni Mayor Matinong sa Drug Watchlist ni Pangulong Rodrigo Duterte pipila na ka tuig ang nakalabay.
