Nagakasubo ang mga pumuluyo sang La Carlota City angut sa kamatayon sang ila alkalde nga si Mayor Jacky Jalandoni sang nagligad nga Martes, January 7 las 11:30 sang gab-I sa St. Lukes Hospital sa Manila bangud sang balati-an sa atay.
Ginpahayag nga si Jalandoni ang nangin konsehal sadto sang La Carlota upod kay Vice Gov. Jeffrey Ferrer sa diin sang nag-mayor naman si Juliet Ferrer, ini siya ang nangin bise alkalde sini sa sulod sang duha ka term.
Sang si Mayor Juliet naman nangin congresswoman sang 4th district, nagbulos si Ferrer bilang mayor tubtub subong sa iya ikaduha nga termino.
Bangud sa kamatayon ni Jalandoni, pagasundon ang rules of succession sa diin si Vice Mayor Rex Jalandoon amo ang mangin mayor samtang ang number 1 councilor nga si Jun Baga amo naman ang magasaka bilang bise alkalde sang La Carlota City.
[image: image.png]
