Gisaysay ni Davao City Mayor Sara Duterte-Carpio (sa iyang official Facebook page), hinay-hinay na nga wagtangon ang mga restrictions tungod kay anaa na usab sa 1.2 million Davaoeños ang bakunado kontra COVID-19.
Gikanayon ni Mayor Sara, kung aduna may matalang kaso sa COVID-19, dili na mamahimong severe o critical ang kaso tungod kay protektado na batok COVID-19 ilabina ang adults with comorbidities ug senior citizens nga high-risk sa makatakod nga virus.
Una nga giablihan sa publiko ang Davao City Coastal Road, ug bag-ohay lamang gitugot ang pag-serve og ilimnon sa mga establisyemento sa Davao ug pagtugot sa face-to-face (F2F) activities sa government offices.
“Ang next that we’re doing is i-restore na nato ‘tong atong mga gisirado – ang atong Roxas Night Market, ang atoang mga park. Pero dili sa karon. We started with giving people area for fresh air/recreation, atong Davao City Coastal Road. We’re lifting the liquor ban sa public. We’re lifting the prohibition on events sa government. Musunod-sunod nana. Hinay-hinayon nato og abli tanan. Hulat-hulaton lang nato ang effect niya sa cases nato dinhi sa Davao City,” saysay sa alkalde.
Gipasabot ni Duterte-Carpio, wala pay kasegurohan kung kanus-a mawala ang COVID-19 rason nga kinahanglang hinay-hinayan na ang pagbalik sa mga restricted activities ug padayon gihapong tumanon ang minimum public health standards batok COVID-19 isip kabahin sa new normal.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
