Gi-announce ni President Rodrido Duterte nga iyang gitambagan si Davao City Mayor Sarah Duterte-Carpio nga dili mokantidado sa pagka Presidente sa 2022 Presidential election.
Kini gi-announce ni Duterte atol sa oath taking Ceremony sa mga official sa Cagayan de Oro nga polos sakop sa Partido PDP Laban nga midaog sa milabayng eleksyon niadtong Mayo 13.
Ang maong oath taking Ceremony kagabie June 12, Independence day, gipahigayon nila Mayor Oscar Moreno sa Xavier Estate Country Club.
Matud ni Duterte nga iyang gitambagan si Mayor Sarah nga dili mokandidato sa labing taas nga posisyon sa gobyerno kay dili sayon ang katungdanan sa Presidente ug dili sayon sulbaron ang daghang problema sa Pilipinas.
“Akong gi-ingnan si Inday nga ayaw gyud” matud ni Duterte.
Gibutyag ni Duterte nga lakip sa mga problema sa Pilipinas nga naghatag labad sa iyang ulo, ang walay undang nga pagkaylap sa illegal drugs ug graft and corruption.
Matud ni Duterte nga sa dihang gihatag kaniya ni Former PNP Chief ug karon Senator elect Ronald Bato dela Rosa ang listahan sa mga tawo sa gobyerno nga protektor sa illegal drugs, misurok ang iyang dugo.
Kay matud ni Duterte nga lakip general sa police ug military nahimong protektor sa illegal drug.
Kini ang rason nga matud ni Duterte, iyang gimando ang dugo-ong kampanya batok sa illegal drugs.
Lakip sa kalagot ni Duterte, ang walay undang nga graft and corruption.
Atubangan sa mga election local officials, gipasabot ni Duterte nga kin dili maundang ang Graft and corruption, wala nay paglaom ang Pilipinas.
Matud ni Duterte nga iyang gipasabot nga tungod sa maong mga problema, gikapoy na siya sa iyang trabaho.
“Wa nako malipay ani nga trabaho” matud sa Presidente.
