Lubos nga ginakasubo ni Mayoe Siegfredo Betita sang Carles, Iloilo ang padayon nga kaso sang Red tide Toxin sa kalalawran sang Isla Higantes.
Suno kay Mayor Betita nga bangud sa sini nga kaso, apektado gid ang mga pumuluyo sang Isla nga nagasalig sang ila palangabuhian sa mga pakinhason nga makuha sa kadagatan, kag subong man ang mga negosyante kag bisan ang turismo sang banwa sang Carles.
Sa phak sini, nagpanawagan si Betita sa mga pumuluyo sang Carles kag sa tanan nga apektado sang kontaminasyon sang Red tide sa Carles nga dapat sundon gid ang advsie sang Bureau of Fisheries and Aquatic Resources ukon BFAR nga indi lang anay manguha sang Scallops kag iban pa nga seafoods kag likawan ang pagkaon sa mga ini.
Gindugang pa ni Mayor Betita nga pagatun-an kag tinguhaan gid sang Local Government nga mabuligan kag mahatagan sang alternatibo nga palangabuhian ang mga apektado sang nasambit nga phenomenon.(sspunay)
