Tag-as nga kalibri sa armas , mga bala ug granada ang nasakmit sa mga ahente sa Provincial Intelligence Branch ug Provincial Drug Enforcement Unit sa Cebu Provincial Police Office gikan sa pinuy-anan sa mayor ug bise mayor sa lungsod sa San Francisco isla sa Camotes .
Bitbit ang search warrant nga giisyu ni Judge Leopoldo Cañete sa Barili RTC gisiksik sa kapolisan ang panimay ni Mayor Arly Arquillano ug Bise Mayor Alfredo Arquillano Jr. tungod sa pagtinir ug mga armas nga way lisensiya .
Ang hepe sa PIB , PCAPT Alejandro Batobalonos nibutyag nga lakip sa nakuha gikan sa magsoong magsoong Arquillano mao ang kalibri 45 nga pistol, 22 caliber pistol ug magazine niini ug usa ka AR 15 Rifle nga ang napaso na ang mga lisensiya , granada , ug 9MM pistol .
Kasong kalapasan sa illegal possession of firearms and ammunition ang ipasaka sa kapolisan batok sa mga Arquillano .
