Moatras sa iyang kandidatura sa pagka mayor si Macasandig Barangay Kagawad Richard Nixon Baban.
Kini human nagka-istorya silang Baban ug Agriculture Under Secretary Jose Gabriel La Viña.
Si Baban, ang pinaka unang nag file sa iyang Certificate of Candidacy niadtong Oktubre 11.
Apan kagabie, nag desisyon si Baban nga karong adlawa bawion niini ang iyang certificate of Candidacy nga gipasa sa Comelec.
Dugang pa ni Baban, nga ang hinungdan sa iyang pag atras sa kandidatura aron maghatag dalan sa kandidatura ni La Viña sa parehong posisyon.
Magkapareho matud pa ang ilang plata porma de gobyerno nga magpalig-on sa environment program alang sa syudad.
Samtang, dako ang pasalamat ni La Viña sa nahimong desisyon ni Baban nga moatras sa iyang kandidatura ug nisaad nga mosuporta kaniya.
Matud ni La Viña nga karong adlawa, isapinal ni Padayon Pilipino Founder former Cagayan de Oro City Mayor Vicente Emano ug former 2nd District Congressman Rufus Rodriguez ang ilang Coalition sa Centrist Democratic Party o CDP.
Karong adlawa, nakatakdang i-anunsyo ni Emano ang ilang line up gikan sa pagka mayor, congressman, ug mga kandidato pagka konsehal sa first ug 2nd district sa Cagayan de Oro.
