Gipasigarbo sa Bukidnon Provincial Police Office ang padayon nga pag-ubos sa kriminalidad nga nahitabo sa probinsya.
Sa interview sa RMN Malaybalay ngadto kang Jiselle Ester Lou Longakit, ang tigpamaba sa PNP Provincial Command gibutyag niini nga anaa sa 30 hangtod 40 porsiyento ang pagkunhod sa krimen sukad kaniadtong tuig, 2017 hangtod ning kasamtangang tuig.
Bisan pa man gi-ingon ni Longakit nga adunay mga krimen nga nahitabo nga walay kalambigitan sa illegal nga droga.
Gidugang pa niini nga adunay mga krimen nga nitaas tungod kay aware na ang mga katawhan sa ilang mga katungod maong nagpatala gilayon kini sa buhatan sa kapulisan.
Sa iyang sumada, dakong tabang matud pa ang war on drugs sa pagkunhod sa kriminalidad ilabipa ang walay lain nilang gidugang sa ilang crime prevention kon dili ang gubat batok sa illegal nga droga lang.
