Dipolog City- Sa taod-taod na nga panahon sa dihang nagsugod ug byahe ang barko sa Medallion Transport Inc. naghandom ang mga bumabyahe gikan diri sa dakbayan sa Dipolog ug mga kasikbit nga probinysa padulong sa dakbayan sa Dumagute nga unta mabutangan ug rota ang Dipolog-Dumaguete & VV. Diha sa Galas Port Dipolog aron dili na sila mo adto pa sa Polo Dapitan City.
Niadtong adlawng Sabado Dec 8, 2018 gidungog ang panawagan sa mga sumasakay tungod kay gihatagan ug sertipiko sa MARINA VII aron makabyahe ang barkong Medallion gikan diri sa dakbayan sa Dipolog padulong sa Dumaguete.
Daghanan kaayo ang nalipay nga mga katawahan dinhi sa dakbayan sa Dipolog ilabi na gayud kadtong mag adtoan sa Dumaguete tungod kay dili na sila kinahanglan mo adto ug layo nga pantalan kay ania na mismo sa Dipolog.
Ang schedule sa byahe sa maong barko gikan dinhi sa Dipolog-Dumaguete 11:00AM&11:00PM samtang Dumaguete-Dipolog 5:00AM & 5:00PM
Gawas sa byahe padulong dumaguete aduna pud byahe padulong sa Cebu ug sa Bohol.
Ang Medallion Transport Inc. usa kini ka domestic corporation nga gi organisa ilawom sa Philippine Laws nga ge representahan sa president sa maong kompnya nga si Mr. Maximiano N. Fulache ug adunay sertipiko gikan sa Maritime Industry Authority (MARINA)
Ang misyon niini nga kompanya mao ang “To provide efficient and reliable transport services” “The leading transport service provider nationwide”
Lauman usab nga karong semana magsugod na pagbyahe ang nahisgutang nga barko gikan dinhi sa Dipolog Padulong sa dakbayan sa Dumaguete.
