BACOLOD CITY – Personal nga gintakud ni PNP Regional Office 6, Regional Director Police C/Supt. Cesar Hawthorne Binag ang Medalya ng Sugatang Magiting sa deserving nga mga pulis sang BCPO sa operasyon nga nag-neutralize sa Most Wanted Person sang Police Station 3 nga si Ramy Poja.
Ang amo nga PNP Wounded Medal gin-award kay PSI Victor Paulino matapos ini nasamaran sa police operation bilang Office-In-Charge sang PS3.
Ginhatagan man sang Medalya ng Kagalingan ukon PNP Medal of Merit kag Medalya ng Papuri ukon PNP Commendation Medal sanday PS/Supt. Francisco Ebreo, P/Supt. Leonardo Borromeo, PS/Insp. Victor Paulio, P/Insp. Adrian James Albaytar kag P/Insp. Fermin Pula.
Lakip man sa ginpasidunggan ang 49 ka iban pa nga police personnel halin sa SWAT, CIU, BCMF kag Police Station 3 bangud sang ila maayo nga performance durante sang operasyon nga nag-neutralize kay Poja.
Sa amo nga operasyon sadtong nagligad nga Miyerkules, Mayo 23, napatay man ang upod ni Poja nga si Roberto Lim kag nadakpan sanday Rusty Constantino, Cyril Jarina kag Claudine Bindol sa Sitio Sibucao, Brgy. Banago.
Dugang nga Medalya ng Papuri ang gin-award kay P/Supt. Julie Cabrera kag 9 ka iban pa nga personnel sang BCPO angut naman sa pagpatigayon sini sang joint operaton nga nagreuslta naman sa pag-aresto kay Gregori Parreño kag Cesar Parreño, lunsay wanted sa kaso nga murder.
