Bisan ang medical director II sang Corazon Locsin Montelibano Memorial Regional Hospital (CLMMRH) ang indi man pabor sa pag pull-out sang mga Doctor to the Barrios (DTTB) sa Region 6 agud ipadala sa Cebu City para magbulig sa away kontra COVID-19.
Sa interview sang DYHB kay Dr. Julius, ginpahayag sini nga ang mga DTTBs ang gin-assign sa tagsa ka mga local government units nga mga ginatawag “geographically challenged areas” kag kun sila ang kuhaon, maapektuhan man ang ila mga obligasyon kag mga pasyente nga ginaserbisyuhan.
Gani para kay Dr. Drilon, importante nga ang mga LGU ang mag-hire gid sang dugang nga mga doktor kag amo man ang Department of Health (DOH) nga para naman ipadala sa Cebu para lamang sa purpose nga magbulig sa away kontra coronavirus.
Nagabalaka man si Dr. Drilon kun kuhaon ang mga DTTBs sa Western Visayas bangud sa karun indi lang COVID-19 ang problema, ilabi pa nga tig-ululan na kag ginalauman ang pagsaka sang kaso sang dengue, leptospirosis, lakip naman ang measles. Dugang pa sini nga kun kuhaon diri ang mga DTTBs maapektuhan ang balance sang health care sa rehiyon.
Ginkumpirmar man ni Dr. Drilon nga sa karun nakabaton naman sila sang sulat gikan sa regional director sang DOH para sa mga DTTBs nga maluyag mag-boluntaryo nga magpa-assign sa Cebu City.
[image: image.png]
