Roxas City, Capiz – May yara sang ginpahamtang nga mga medical teams ang Department of Health diri sa probinsya sang Capiz may kaangut sa ginpatigayon nga May 13 local and national election.
Ini ang ginpahayag ni DOH- Capiz Development Management Officer IV Mr Joeffrey Esperitu sang ginpakig-angutan sang RMN-Roxas.
Suno diri nga halin sa orihinal nga 18 ka bilog, nagdugang sila sang isa pa ka medical team agud nga maga-cater sa mga kautoran nga magapangayo sang medical assistance.
Nahibaloan nga prayoridad nga ginpahamtangan sang medical team amu ang pila ka dalagkoan nga polling center sa syudad sang Roxas kag mga banwa partikular ang Dao, Sapian, Dumarao, Ivisan, Pontevedra kag Pilar.
Kalakip sa mga serbisyo nga ila gintan-ay amu ang libre nga checking sang blood pressure, basic first aid assistance kag iban nga emergency medical services.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
