Gisugat sa Kilusang Mayo Uno o KMU sa Northern Mindanao ug uban pang grupo sa lihok-protesta ang Labor Day sa rehiyon 10.
Sa interview sa RMN Malaybalay ngadto kang KMU Northern Mindanao Secretary General Wildon Barros gibutyag niini nga tumong sa ilang rally nga ipanawagan sa gobyerno nga tapuson na ang labor-only contracting.
Ipaabot usab nila ang pagsaway kang Pres Rodrigo Duterte sa wala pagpima’g executive officer aron sumpu-on ang end of contractualization.
Nanghinaut matud pa sila nga unta muhataga ug hingtungdang aksiyon ug mahimong sinsero ang gobyerno sa mao nga problema.
Hisayran nga gimando na ni Pres Duterte kang DOLE Sec Silvestre Bello III nga kuhaon ang listahan sa mga nagpatuman sa labor-only contracting.
Samtang atol sa pagsaulog sa Labor Day tanyagan sa gobierno pinaagi sa local ug overseas employment companies sa halos 15-mil ka job vaccancies ang mga aplikante sa trababo dinhi sa rehiyon.
Sa interview sa RMN Malaybalay ngadto kang Atty. Joeffrey Suyao, ang regional director sa DOLE 10 gibutyag niini nga ang mao nga himoon nila ang job fair alayon sa kasaulugan sa adlaw sa mga mamumuo nga sugod karong adlawa hangtod ugma Mayo 2.
Matud ni Atty. Suyao nga himoon ang duha ka adlaw nga job fair sa Atrium, Limketkai Mall sa Cagayan de Oro City.
Dugang niini nga anaa sa 6-mil ka overseas job opportunities ang naghulat sa gustong mag-abroad samtang walo ka libo usab ang alang sa local employment o dinhi lamang sa nasud.
Mukabat usab matud pa sa 125 ka mga employer ang makigduyog sa himoon nga job fair.
