BAYAWAN CITY, NEGROS ORIENTAL – Patay na sang nasapwan sang mga residente sang Barangay Villareal las 6 kaina sang aga ang ginasiling nga ‘megamouth shark’.
Sa facebook post ni Jayrell Mark Sinco, iya ginkuhaan sang litrato ang amu nga bagis samtang ini sila ang nagpadulong sa amu nga lugar para maglakat lakat.
Nakibot sila sa itsura sang bagis bangod tuman ini ka daku kag nagabukas naman ang iya nga baba.
Gilayon nila ini ginpatawgan sang mga katapo sang Bureau of Fisheries and Aquatic Resources (BFAR) para sa inspeksyon.
Sa pagtakos sang BFAR ini ang nagalaba sang 12 ka tapak kag nagabug-at sang 300 kilos.
Ang ‘megamouth shark’ ang nagabukas pirme ang baba para sa iya mga kalan-unon. Wala man ini sang unto kag may lifespan nga mga 100 ka tuig.
Pinakauna ini nga tion nga may kaangay nga tinuga nga nakasampay sa Barangay Villareal.
Gilayon naman nga ginpalubong ang amu nga bagis.
