By: nitz Arancon
Gitingoha karon ni Retired Mis. Or. Provincial Prosecutor Atty. Arturo Ubaub, nga karong adlawa Lunes, iya nang ipasaka sa Regional Trial Court Branch 24, ang iyang memorandum, aron dunay basihan si Judge Henry Damasing sa pagpakana-og sa iyang paghukom sa iyang gipasaka nga motion sa kaso ni Architect Rey Galua.
Matud ni Atty. Ubaub, nga iyang pasabton pag-ayo si Judge Damasing, nga si Architect Galua, dili angayan i-detain sa Lumbia City Jail, bisan pa nga ang iyang Kliyente, nag-atobang sa kasong illegal Possession of fire arms and Explosive, nga No bail bond recommended.
Matud ni Atty. Ubaub, nga ang iyang Kliyente, dunay sakit sa kasing-kasing, ug piligro nga ma-stroke sulod sa Jail Facilities sa Lumbia.
Ang submission ni Atty. Ubaub sa iyang Memorandum karong adlawa, basi sa mando ni Judge Damasing.
Mahinumduman nga si Atty. Ubaub, nag-file sa iyang Motion to Continued Stay in the Hospital ni Galua, aron ang iyang kliyente, magpabilin nga naka hospital arrest sa Northern Mindanao Medical Center.
Apan tungod sa discharge order sa iyang doctor, si Galua, gikuha sa mga jail guard ug gidala sa Lumbia City Jail, ug gibalhog sa iyang detention Cell.
Si Galua, nga usa sa mga person of Interest sa pagka matay ni USTP President Dr. Ricardo Rotoras, gidakop sa mga operative sa CIDG niadtong January 9, 2018 sa iyang balay sa Pueblo de Oro, tungod sa kasong illegal possession of fire Arms and Explosive.
