Ipasaka na karong adlawa sa Regional Trial Court Branch 24 ni Retired Misamis Oriental Provincal Prosecutors Atty. Arturo Ubaub, ang iyang memorandum, aron adunay basihan si Judge Henry Damasing, sa pagpakanaog sa iyang hukom sa iyang gipasaka nga motion kalabot na sa kaso ni Architect Rey Galua.
Si Architect Galua ang usa sa mga person of interest, sa pagkamatay ni USTP President Dr. Ricardo ROtoras nga gidakop sa Criminal Investigation and Detection Group kon CIDG Cagayan de Oro, tungod sa kasong illegal possession of fire arms and explosives.
Matud ni Atty. Ubaub, nga iyang pasabton apg-ayo si Judge Damasing, nga si Galua dili angayan nga i-detain sa Lumbia City Jail, bisan pa nga ang iyang kliyente, nag-atubang sa kasong illegal possession of fire armas and explosive ug adunay No bail recommended.
Dugang pa ni Ubaub nga ang iyang kliyente adunay sakit sa kasingkasing ug peligro nga ma-stroke sulod sa Jail facilities sa Lumbia.
Nasayran nga ang submission ni Ubaub sa iyang memorandum karong adlawa, basi sa mando ni Judge Damasing.
Mahinumduman nga si Ubaub, nagfile og motion to continued stay in the hospital in Galua, aron ang iyang kliyente magpabilin nga hospital arrest sa Northern Mindanao Medical Center kon N-M-M-C.
Apan tungod sa discharge order sa iyang doctor , si Galua gikuha sa mga jail guard ug gidala sa Lumbia City ug gibalhog sa detention cell.
