*Angadanan, Isabela-* Arestado ang isang 16 anyos na binatilyo na wanted sa batas matapos isilbi ang warrant of arrest nito bandang 12:30 kaninang tanghali sa Brgy. San Ambrocio, Angadanan, Isabela.
Sa nakuhang impormasyon ng 98.5 RMN Cauayan mula sa Isabela Police Provincial Office (IPPO), hinuli ng mga otoridad ang isang outh of school youth na akusado na residente ng Brgy. San Ambrocio, Angadanan, Isabela sa bisa ng mandamiento de aresto na inihain ni judge Meliton Galia, ng 8th MCTC Angadanan-San Guillermo dahil sa kasong Attempted Homicide.
May inirekomendang piyansa ang korte na halagang P36,000.00 para sa pansamantalang kalayaan ng akusado.
Dinala ito sa PNP Angadanan para sa kaukulang dokumentasyon bago itinurn-over sa MSWDO para sa tamang disposisyon.
