General Santos City–Aduna matud pay posibilidad nga gilugos sa wala mailhing suspect ang usa ka menor de edad nga anaa sa 11 ngadto na sa 15 anyos kansa nakit-an sa irrigation canal sa Prk San Isidro Brgy. Baluan ning syudad, kagahapon sa buntag.
Sumala pa ni Police Lt. Felix Minion III ang officer in charge sa police station 3 nga ang nahisgutang biktima ang aduna matud pay samad sa iyahang nawong ug tuo nga bahin sa kamot kung asa nakita kini sa mga concern citizen sa lugar nga walay panimuot.
Subay sa mga nakakita, adunay timailhan nga gilugos ang biktima gumikan na usab sa sitwasyon sa senina niini dihang siya nakapalgan.
Dugang pa ni Police Lt. Minion nga posibleng gisuwayan kini ug patay sa suspect pinaagi sa pagbunal ug bato sa iyahang ulo ug gihulog sa creek .Sa pag tuo nga wala na kiniy kinabuhi biyaan na niini ang biktima.
Sa kasamtangan padayon pang nangalap ug ebidensya ang kapulisan aron masayran ang reponsable sa maong krimen, samtang padayon pa nga gina-atiman sa balay tambalanan partikular na sa dr. Jorge royeca hospital ang nasangpit nga biktima.(Dave Silagan)
