General Santos City—miapila si Gensan City Mayor Ronnel Rivera sa katawhan sa syudad nga dili na ipangpasa pa sa ilang mga higala, paryenti ug kaila ang mga nadawat nga mensahe sa social media o sa txt kalabutan sa gikaingong planong pagpang-atake sa mga armadong grupo sa pipila ka lugar sa Mindanao.
sa interview sa Rmn Gensan kang Mayor Ronnel Rivera giangkon niini nga siya nakadawat usab ug maong mensahe.
Gihingusgan ni Rivera nga wala pay kompermasyon ang maong mga impormasyon sanglit padayon pa kining ginaberipika karon sa kapulisan ug militar.
Sa Gensan kung siguridad ang hisgutan walay angayang ikaalarma tungod hugtanong pagbantay man ang gipatuman sa kapulisan inabagan sa Joint Task Force Gensan.
Samtang hangyo nalang niini ngadto sa katawhan nga mutabang nalang sa pagmonitor sa palibot ug isumbong sa otoridad ugaling man nga duna silay makit-ang kadudahang butang o tawo nga anaa sa ilang palibot aron nga masuta sa kapulisan ug sa militar.
angayan usab nga magmakalmahon ug dili dayon mutuo sa mga nagakatag nga impormasyon hilabi na kung kalabutan sa bahad sa seguridad tungod ug basin usa lang kini ka matang sa pagpanghadlok sa katawhan.
