Roxas City, Capiz- Napun-an sang kasadya ang ginpatigayon nga Christmas party sang mga opisyales kag empleyado sang city government kagab-i sa Dinggoy Roxas Civic Center.
Diri gin-anunsyar ni City Mayor Ronnie Dadivas ang bonus nga mabaton sang mga empleyado sang syudad.
Magabaton sang kabug-osan nga P5, 000 pesos nga Christmas bonus ang mga casual kag contractual employees samtang ang mga regular employees nga nakaserbisyo na sang napulo ka tuig pataas ang magabaton naman sang P25, 000 pesos.
Ang mga regular employees naman nga wala malab-otan sang napulo ka tuig ang magabaton naman sang P20, 000 pesos.
Ginpasalamatan naman sang alkalde ang katapo sang Sangguniang Panglunsod sa ginpatigayon nga special session/marathon budget hearing agud lamang nga mahingagaw nga maaprobahan ang pondo para sa Christmas bonus sang mga city hall employees.
Sa iya mensahe, tuman nga kalipay ang iya nga nabatyagan bangud ini amo ang pinakauna nga tiun nga nakaupod niya ang mga empleyado sang syudad.
Ginsiling sini nga ang mga empleyado sang city government ang ginakabig niya nga “new family”.
Samtang maluwas sa mga papremyo nga ginpanghatag pinaagi sa raffle draw, naghatag man sang siyam ka tig-10, 000 pesos sa maswerte nga city government employees kag duha ka winner sang tig-5, 000 pesos para sa katapo sang tri-media si 1st District Congressman Emmanuel “Tawi” Billiones Sr.
