El alcalde Beng Cliamco-Salazar junto con canda Consejal Myra Paz Abubakar y Cesar Jimenez ya encabesa el parada del que se llama “Marcha delas Mojeres” enconnection con el celebracion del Women’s Moth enante aga.
El parada ya participa el ciete sector ta composita del monton del maga employao del gobierno, inlcuijido ya cuantos maga pulis y militar y lo mismo cuantos maga escuela.
Todol maga participantes ya usa el polo shirt color lila con cada-y-cual maga celio del diila opesina o departamento.
El programa ta manda acorda con el publico el derechas y proteccion del maga mojeres donde no deve pone de bajo con el maga mojer na sociedad.
El parada ya comensa na calsada del Jaldon y ya finalisa na Paseo del Mar donde ya conduci el corto programa na Centro Latino y alia ya dale mensaje el alcalde y si Abubakar.
Despues el program ya segue tambien el cuantos libre servicio como el breast screening y consultation, dental check-up, bp checking, glucose/diabetes testing y civil records.
