Kritikal karun ang kahimtang sa usa ka mestizo German nga si Gliffche Joybert Rosales Schmitz, 29 anyos, residente sa Tinucuran, Las Nieves Agusan del Norte human kini gitigbas kaganinang kaadlawon.
Sigun sa inahan niining si Judith Rosales Schmitz l, kalit na lamang kining nakamata human iyang nabati ang singggit pakitabang sa iyang anak bandang ala 1:00 ang takna sa kaadlawon.
Sa pakisusi sa inahan, nakita na lamang niini nga naligo na sa kaugalingon nga dugo iyang anak tungod sa mga samad tinigbasan sa may tungkugo nga bahin.
Sa dihang gipangutana kini sa inahan kung kinsa ang responsableng mitigbas kaniya bugtong nalitok sa biktima ang “Dondon, mama, Josie” sa wala pa kini mawad i sa iyang panimoot.
Dakung kadismaya sa inahan nga wala mahatud sa ambulansya sa Las Nieves ang biktima tungod kay natulog na ang driver.
Bugtong gisakyan padulong sa Butuan Medical Center mao ang rescue vehicle sa barangay nga walay saktong pasilidad sama sa oxygen. (with report ismael eking cubilllas)
