Ubay-ubay ang mga reklamo nga gipadangat sa mga miembro kunsumante sa Agusan del Norte Eletric Cooperative (ANECO) gumikan sa kalit nga pagsaka sa ilang mga balayrunon sa kuryente.
Ang maong mga reklamo gipadangat sa mga kunsumante sa social media, lakip na usab dinhi sa DXBC RMN Butuan.
Apan Giklaru sa Agusan del Norte Electric Cooperative (ANECO) nga walay pagsaka sa power rate nga ilang gipatuman hinoon mas nikunhud pa kini gikan sa kapin 10 pesos per kilowatt hour karon anaa nalang sa 9.30 ang kilowatt hour, luyu sa nagbaha nga reklamo gikan sa mga membro konsumante nga sa kalit lang midaku ang ilang bayronon sa usa ka buwan.
Kini ang gipahayag ni Danny dela Cena, ang information officer sa ANECO sa interview sa RMN DXBC Butuan.
Niya pa nga kung adunay kalit nga pagdaku sa bayronon sa kuryenti possible nga midaku usab ang konsumo sa kuryenti diha sa panimalay. Possible usab nga guba ang metrohan nga angayang masulbad sa labing daling panahon pinaagi sa pagsumbong sa buhatan sa ANECO.
Wala usab gisalikway ni dela Cena ang posibilidad nga adunay “human failure” kon sayop sa ilang mga personahi nga nagbasa sa metrohan ug gilayun kining makorehi-an.
