General Santos City—Targeton karon sa mga operatiba sa Philippine Drug Enforcement Agency o PDEA Region 12 ang pipila pa ka mga nahibiling mga myembro matud pa sa El Patron Drug Group nga anaa pa sa Maasim, Kiamba og Maitum Area ingon man sa South Cotabato.
Kini human nga masikop ang giingong lider sa maong grupo nga si Maasim Mayor Anecito Lopez og bag-ohay lamang ang pagkasikop sa magsuong Lumatao sa Sarangani province usab.
Sa pakighinabi sa RMN Gensan ngadto kang PDEA Region 12 Director Gil Cesario Castro, giingon niini nga dili sila muondang sa paggukod sa mga nahibilin pang mga myembro sa El Patron group nga maoy responsabli sa pagpalusot sa mga iligal nga droga og mga armas sa region 12.
Aminado ang labaw sa PDEA 12 nga halapad ang koniksiyon network og operasyon sa maong grupo sa region 12.
Apan mihangyo karon ang labaw sa PDEA 12 ngadto sa tanang mga Barangay Opisyal og mga mulopyo nga tabangan sila sa pagbantay sa ilahang mga lugar og ereport gilayon ngadto sa ilahang buhatan ang unsa mang mamatikdang kadudahang lihok sa mga sindikato. (Emir Bariquit)
