Davao Oriental – Patay ang usa ka lalaki nga si Miguelito Maputol, 38 anyos, usa ka mag-uuma ug residente sa Sitio Pangancawayan Brgy. San Antonio Cateel, Davao Oriental.
Sumala pa sa report sa Police Regional Office Eleven nga bandang alas 7:12 sa kagabhion samtang na busy ang maong biktima sa gi-buhaton sa ilang panimalay, kalit kuno miabot sa likod ang usa ka wala mailhing suspetsado ug gipusil ang biktima gamit ang improvised nga armas nga mas nailhang bukakang.
Ang biktima naigo sa likod nga bahin sa biktima dayon daling gidala kini sa Davao Oriental provincial hospital apan gi deklara kining dead on arrival.
Samtang naghimo na og follow-up investigation ang kapolisan sa Cateel municipal police station aron sa posibleng pagkaila ug pagkasikop sa miikyas nga suspetsado.
RadyoMaN Paul Canono
