Gintalana sa masunod nga semana ang meeting ni Gov. Eugenio Bong Lacson sa mga alkalde sang probinsya matapos ini ang napostpone sang nagligad nga semana.
Ginpahayag nga mangin agenda sang meeting ang nahanungod sa COVID vaccine acquisition and distribution.
Hibaluon man sa mga mayors kon sin-o ang ila priority, pila ka doses ang kinahanglanon, ang geographical area sang vaccination center subong man kahandaan sang ila mga medical personnel nga maga-conduct sang vaccination activity.
Sa amo nga pagsinapol, hibaluon man ni Gov. Lacson ang pila ka concern sang mga mayors angut sa COVID vaccines.
Nahibaluan ang vaccine nga AstaZeneca nga gin-order sang halos tanan nga mga LGU ang maga abot sa bulan sang Marso.
Samtang, ginpahayag naman ni Provincial Administrator Atty. Rayfrando Diaz nga indi na kinahanglan pa nga magpatigayon sang dry run sa vaccination activity bangud ang DOH kag PHO ang nakaplastar na sang ila vaccination program nga patigayunon kon ara na ang vaccine.
[image: image.png]
