Davao City – Giingong inosente ang mga biktimang napatay ug samdan sa latest shooting incident sa Tagum City, Davao del Norte kagabii.
Kini ang saysay ni Police Col. Ariel Alcala, Chief of Police sa Tagum PNP atol sa interview sa DXDC RMN Davao kaniya diin giila ang biktimang namatay nga si Judylou Palas, 22 anyos, samtang samdan ang manghod niini nga si alyas Jane, 15 anyos kinsa gipangpusil sulod sa panimalay sa ilang iyaan sa Purok Dahlia, Visayan Village, Tagum City.
“Sa atong pag imbestiga diin kining mga biktima wala man gyud ni kalambigitan sa (investment scheme), inosente man gyud sila. Nagapangutana mi sa palibot nila diin matud pa sa mga tao sa palibot nga prior sa incident, dunay mga tao nga nagsige og pangita kang Marilou Tajale, inahan sa mga biktima,” segun ni Alcala.
Giingong kanhi agent ug cashier sa PLC investment company ang inahan sa mga biktima diin sa imbestigasyon wala matud pa nag isa og puyo ang mag inahan.
Sa report, pugsanong gisulod sa wala mailhing suspek ang balay ug gipusil ang biktima igo sa nagkadaiyang parte sa kalawasan hinungdan sa kamatayon samtang napagan usab ang manghod nga anaa na karon sa luwas nga kahimtang.
Ginasubay pa usab nila ang person of interest sa krimen diin sumala sa mga nakakita, di maklaro ang nawng niini gumikan naka-bonnet.
Pahimangno ni Alcala sa publiko nga magmaigmaton ug makig alayon sa otoridad og dunay mamatikdang kadudahang lihok sa mga tao.
RadyoMaN Renz Barbarona
