GUIHULNGAN CITY, NEGROS ORIENTAL – Siyam ka mga anay rebelde ang nagpaidalom sa Alternative Learning System (ALS) Program paagi sa partnership sang 62nd Infantry (Unifier) Battalion, 3rd Infantry (Spearhead) Division Philippine Army sa Department of Education ALS (DepEd-ALS) of Guihulngan City.
Enero 25, 2021 sang nagsugod ang training sang mga former rebels sa Camp Tirambulo, Brgy. McKinley, Guihulngan City, Negros Oriental. Magapaidalom ang mga ini sa napulo ka bulan nga basic learning kag kinahanglan sang mga ini nga mapasaran ang ALS Accreditation and Equivalency (ALS-A&E) Test para nga ma-qualify sa mas mataas pa nga lebel sang edukasyon kag job opportunities.
Isa man ini sa mga programa sang Guihulngan City Task Force to End Local Communist Armed Conflict (GCTF-ELCAC) kag Enhanced Comprehensive Local Integration Program (E-CLIP), agod nga ang mga anay rebelde ang mangin produktibo nga miembro sang sosyudad.
[image: image.png]
