Bukidnon – Miabot ug 15 minutos ang binayloay sa mga bala human naka-engkwentro sa tropa sa 8th IB, Philippine Army ang 10 kapin kon kulang ka mga New Peoples Army kon NPA sa barangay Magsaysay, lungsod sa Quezon, Bukidnon.
Sa interview sa RMN Malaybalay ngadto kang 1st Lt. Erwin Bugarin, ang spokesperson sa 8th IB, gibutyag niini nga sa mao nga engkwentro nagresulta sa pagkarekober sa ubay-ubay nga mga armas nga naglangkob sa usa ka M14 rifle nga adunay usa ka magazine nga adunay upat ka mga buhing bala, usa ka carbine rifle, usa ka Springfield rifle.
Wala usay nasamdan o namatay sa habig sa gobyerno atol sa mao nga engkwentro samtang gisusi pa kung aduna bay casulalty sa walhong grupo.
Na-engkwentro nila ang mao nga grupo human nga nagpahigayon ang tropa sa gobyerno ug combat operation kaniadtong adlaw nga Sabado.
Sa karon, nagpadayon ang combat operation sa 8th IB sa mao nga lungsod.
