General Santos City—Gihingusgan karon sa magtiayong Rogelio og Shirlyn Quidoc sa Purok Cabuay Barangay Sinawal General Santos City nga prenda lamang ngadto kanila ang mga armas og mga bala nga nakuha sa gipahigayong raid sa ilahang panimalay kanaidtong milabayng gabie sa mga operatiba sa City Mobile Force Gensan.
Matud pa sa mga dinakpang silang Rogelio og asawa nga si Shirly nga duha ka tuig na ang nakalabay sa dihang giprenda saw ala nila mailhing lalaki ang 12 gauge shotgun og usa ka revolver ngadto kanila sa kantidad nga P-6,000 lamang apan hangtod sa pag raid sa mga kapulisan wala na amtud pa gilukat kanila rason nga gihimo na lamang niini nga armas kontra sa mga dautang elemento sa ilahang lugar.
Apan dili makatuo si Police Inspector Renato Dungca jr.,team leader sa raiding team nga giprenda kanila ang mga armas og mga bala tungod dugay na matud pang gikabaniog sa Cabuay Sinawal si Rogelio Quidoc nga kung mahubog kini manion og armas ngadto sa mga residente.
Mismong si Barangay Sinawal Kagawad Raul Soriano ang nagkumperma nga dugay ng nasayran sa Barangay ang paghupot sa dinakpan og mga armas rason nga nagpatabang na sila ngadto sa kapulisan.
Sa pagkakaron ang suspek ang mag atubang sa kasong paglapas sa Republic Act 10591 kon illegal possession of firearms ang ammunition. (Emir Bariquit)
