Dumalinao, Zamboanga del Sur – Daghang klase sa tag-as nga mga armas ug bala nakuha sa kapulisan human ang pagpangronda nga nahitabo niadtong sabado sa buntag dihang dapita Brgy. Tickwas, Dumalinao, Zamboanga del Sur.
Ang operatiba sa Criminal Investigation Detection Group ( CIDG) Zamboanga del Sur ang nanguna sa maong police operation kauban ang pwersa sa 902nd Company Regional Mobile Force Battalion 9, High Patrol Group ug elemento sa kapulisan sa lungsod sa Dumalianao.
Dala sa raiding team ang kopya sa warrant of arrest nga pinirmahan ni Judge Dennis Vicoy batok sa target nga nailing si Vicente Dela Torre Sr. lumulupyo sa nahisgutan nga lugar.
Nakuha sa posisyon sa suspek ang duha ka 12 gauge shotgun nga dunay upat ka buhing bala, usa ka magnum 22 revolver nga gisukipan sa unom ka bala, usa ka rifle 22, usa ka calibre 45 nga pistola nga dunay magazine ug pito ka buhing bala .
Ang dinakpan kasamtangan nga gikostudiya sa CIDG Zamboanga del Sur.
