Nagpain sang pondo ang provincial government kag South Cotabato Division para sa allowance kag insentibo sang mga athletes sang division nga nadala sa Palarong Pambansa sa bahin sang Davao City.
Suno kay South Cotabato Sports Coordinator Tyron Jann Villanueva makabaton sang P3k nga allowance ang mga athletes sang South Cotabato Division Office magluwas pa sa ginhatag sang regional office.
Ginkumpirmar man ni Villanueva nga makabaton man sang separado nga insentibo ang athletes sang South Cotabato nga makaangkon sang medalya sa ginapatigayon nga Palarong Pambansa nga ang gold ang makabaton sang P10k, sa silver P5k kag sa bronze P3k.
May-angot sini, nagalaum sila nga makacontribute sang madamo nga bulawan nga medalya ang South Cotabato subong nga tuig nga Palarong Pambansa.
