General Santos City—- Nakatakdang magpahigayon ug privilege speech si Gensan City Councilor Lourdes Casabuena may kabahin na sa nahitabong ronda sa CIDG sa usa ka bikini bar partikular na ang Cow Girl kung asa naaktuhang naghubo ang mga dancer.
Nakatakda matud pa niyang imbitahan ang representante sa CIDG12 aron pangayuan ug dugang impormasyon kabahin sa maong raid ug nganong dili simultaneous ang gihaimong ronda gumikan gawas sa cow girl, aduna pay laing mga bikini bar nga abli sa gensan nga adunay susamang tanyag.
Sumala niya nga tungod sa nahitabong raid sa maong establishemento, nakapangandam na ang ubang bikini bar nga naga-tanyag ug mga hubo nga dancer gumikan sa posibleng sunod nga i-ronda.
Dako man usab ang iyahang pagtuo nga anaa sa impluwensya sa illegal nga druga ang mga babayeng dancer gumikan sa ilahang mga hinimuan.
