Ginhatagan pagtamod ni Vice Mayor El Cid Familiaran nga indi pwedi mabalibaran ang mga Overseas Filipino Workers (OFW) nga nagapangayo sang bulig kag luyag magpauli sa Bacolod matapos na-stranded sa pila ka mga lugar bangud sang community quarantine bangud sang COVID-19.
Ini ang pahayag sang bise-alkalde nga chairman sang Inter-Agency Task Force sa Bacolod, matapos nga nag-positibo sa COVID-19 ang duha sa 28 ka OFWs nga nag-abot sa ciudad sang Abril 28.
Suno kay Familiaran, mabudlay man ang sitwasyon, kinahanglan nga tatapon ang mga OFWs bangud pumuluyo sila sang Bacolod, kag gin-confirm man sang opisyal nga madamo pa sang mga OFWs sa Manila nga nagapangayo man sang bulig nga makapauli.
Kahapon, gin-anunsiyo sang Department of Health (DOH) Region 6 nga nadugangan pa ang siyam ka COVID-19 positive sa Bacolod. Ang mga nagdugang sa listahan amo sanday Bacolod Patient 10, isa ka 42 anyos nga lalaki nga residente sang Barangay Villamonte kag si Bacolod Patient 11, nga isa ka 27-anyos nga babayi nga taga Barangay Granada.
[image: image.png]
