Angay nang kalimtan ang politika tungod kay humana ang eleksyon
Kini ang panawagan ni Konsehal Eric Salcedo, ang chairman sa komitiba sa Kooperatiba sa konseho ning syudad ug gikinahanglang i-pokos na lamang ang panahon sa pagserbisyo sa ilang tagsa-tagsa ka barangay.
Dugang pa niini, kapoy nga eleksyon ang barangay tungod kay kasagaran sa mga gakontra mga silingan.
Giaghat usab niini ang mga napildi nga ipakita sa katawhan nga dili lamang personal nga interes ang hinungdan sa ilang pagdagan kon dili ang pagserbisyo sa kinabag-an.
Gipahayag pa sa maong opisyal, nga dili lamang pinaagi sa politika mahimong makaalagad sa iyang isigkatawo kon dili sa ubang paagi sama na lamang sa pag-alagad sa simbahan, mga kapunungan o organisasyon.
Tungod niini, nanawagan si Konsehal Salcedo sa katawhan nga limtan ang tanan ug atubangon ang pagpangalagad sa katawhan sa walay bulok sa politika aron mahatagan sa patas nga kahigayunan ang matag personahe sa barangay.
