Ubay-ubay sa mga bala sa armas ang nakompiska sa kapolisan sa El Salvador City Misamis Oriental uban ang Criminal Investigation and Detection Group kon CIDG Misamis Oriental kagabei, atol sa pag-serve sa search warrant sa Zone 1-Sinaloc sa maong lugar.
Matud ni Police Master Sergeant Tommy Luiz Saplot, imbestigador sa El Salvador polis nga naila ang suspek nga si Hubert Mangayan, 44 anyos, minyo residente sa maong dapit.
Dugang pa ni Master Sergeant Saplot, nga nakompiska sa panimalay ni Mangayan ang mga bala sa armas nga gilangkuban sa mga mosunod; 34 ka live ammos sa calibre .45; usa ka steel magazine high cap sa calibre .45 nga adunay 12 ka live ammos; usa ka empty steel mag sa m16 riffle ug usa ka ammo case nga kolor itom.
Nasayran nga adunay calibre .45 ang suspek apan wala lamang na-renew ug aduna pay aligasyun ang mga silingan batok niini nga gapanutok kini og armas hinungdang gireklamo.
