Sarangani Province—Gikumperma ni Police Lt. Col. Teody Condesa, Spokesperson sa Sarangani Police Office nga usa ka organisadong grupo ang mga bandidong naglihukan sa pipila ka lugar sa Sarangani province kansa responsabli sa pagpangawat sa kahayupan ug abot sa mga residenti.
Ang maong rgupo nagalihukan dili lang sa Sarangani kon dili apil na sa kasigbit nga lugar sama sa South Cotabato ug davao Del Sur.
Mudos sa mga nasampit ang pagpanghadlok sa mga residenti sa kabukiran ug ilang ginakawat ang mga kahayupan sa mga nahisgutan dayon ihawon o dili ba kaha ipalukat ngadto sa tag-iya.
Gikumperma usab ni Condesa nga ilhan nila ang lider sa maong grupo apan lisod nila kini madakpan gumikan idlas ang mga nahisgutan. apan gipaklaro sa opisyal nga ilang himuon ang tanan aron nga maundang ang pagpanghasi sa maong grupo sa mga residenti ilawom sa ilang AOR mugna sa mga bandido.
