Ginremind ni Philippine Drug Enforcement Agency ukon PDEA Regional Director Naravy Duquiatan kadungan sang ginpatigayon nga PADAC meeting kahapon nga adlaw ang mga barangay kag local government units sa probinsya sang South Cotabato angot sa compliance sang drug clearing program matapos nga seryoso suno pa sila sa nasambit nga programa.
Ginpahayag nya nga isa man ini sa basehan sa Seal of Good Local Governance ukon SGLG.
May-angot sini, ginahangkat niya ang mga mga MLGOO, representative sang mga mayors, PNP kag DSWD nga tutukan ang mandato angot sa compliance sang barangay drug clearing program.
Base sa DILG resolution suno kay Duquiatan ginahatagan sang tubtob sa Oktubre 15 subong nga tuig ang mga barangay nga i-comply ang drug clearing program paagi sa pagsubmitir sang mga documentary requirements kag ang mapaslawan ang may atubangon suno pa nga disciplinary action.
Sa datos sang PDEA 12 sa 199 ka mga barangay sa South Cotabato 142 ang tigayon nga nadeklarar nga drug cleared sang tuig 2017 kag 27 ang drug affected, apang wala napaidalom sa revalidation sang nagligad nga tuig kon bala nasustain ang drug cleared status sang mga ini.
Sa subong yara pa sa 51 ka mga barangay ang wala nakasubmitir sang drug clearing folders nga ginhatagan ang mga ini suno pa sang tubtob Oktubre 2 base sa ginpatigayon nga Provincial Oversight committee meeting nga kumpletuhon ang mga requirements agud nga maproseso ang revalidation sang drug cleared status.
May-angot sini, ginhingyo ni Governor Reynaldo Tamayo Jr., sa DILG Provincial Office nga imonitor ang performance sang mga Cadac kag Madac agud nga madamo man sang LGU`s sa probinsya ang makasulod sa SGLG.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
