Gin-ako ni ABC President councilor Reyland Hervias nga nagalain ang ila boot sa dinangatan ni anay mayor Jed Patrick Mabilog nga gin-dismiss sa puwesto sang ombudsman.
Subong man, ginpahayag ni Hervias nga wala sila sang mahimo kundi batunon kag respetuhon ang desisyon sang ombudsman kag hulaton na lamang ang resulta sang pagahimuon nga legal remedy sang kampo ni Mabilog.
Ginpahayag man ni Hervias nga ila man suportahan ang pagpalakat ni Mayor Jose Espinosa III sa siyudad bilang bag-o nga alkalde.
Ginhatagan pagtamod ni councilor Hervias nga ila nakita nga maayo man ang pagdumala ni Espinosa sa pagpungko sini bilang acting mayor samtang on leave si Mabilog sang halos duha ka bulan.
nahibaluan nga si Hervias ang nagpasumpa kay Espinosa kahapon kasunod sang pagserbe sang DILG sang dismissal order batuk kay Mabilog.
