Mga barangay officials ginhatagan sang ikaduha nga kahigayunan agud makapasa sang ila documentation para sa drug clearing sang ila barangay

ILOILO CITY – Ginhatagan sang ikaduha nga kahigayunan ang mga punong barangays sa syudad nga makumpleto ang ila pagpasa sang mga dokumento para sa drug clearing.

Gintalana sang PDEA-6 ang deadline sa bulan sang Setyembre.

Ginkumpermar ni PDEA-6 Dir. Atty. Gil Pabilona nga nakadesisyon sila nga magtalana sang bag-o nga dealine matapos ang konsultasyon sa mga opisyal sang barangay.

Ginpahayag pa ni Pabilona nga may mga nagkalainlain na nga stages ang paghimakas sang mga kabarangayan sa syudad.

Nagpaandam si Pabilona nga tun-an nila ang posibilidad sang pagpasaka sang kaso kun padayun nga indi makatuman ang mga barangay officials sang ila katungdanan.