General Santos City – Gipasigarbo sa Sangguniang Panglungsod ang mga Batang Pinoy athletes nga naghatag ug panibag-ong garbo sa lungsod sa Heneral Santos sa gipahigayong Batang Pinoy Qualifying Leg sa Oroquieta City, probinsya sa Misamis Occidental miaging Marso 6-12, 2018.
Nakasakmit ug 50 ka mga medalya sa nag lain-laing sport events ang mga atleta nga nagdala kanila ngadto sa ikaduhang ranggo sa 77 ka lungsod nga nagpartisipar sa nasangpit nga kompetisyon.
Samtang gidekalarang nanguna sa pangkinatinuk-ang ranggo ang Davao City sa 64 ka mga medalya.
Dako ang pagpasalamat ni Hon. Jose Edmar Yumang sa mga atleta, tungod sa bag-ong kalampusan nga gidala nila alang sa mga lungsoranon sa Heneral Santos.
Nagpasalig usab ang mga opisyales nga padayon nilang pagasuportahan ang mga atleta sa mga musunod pa nilang kompetisyon. (Lyca Mae Limana, NDDU Intern)
