Ginbalik na sang ciudad sang Sipalay ang ila tourist activities sa pila ka ginpili nga areas sa atubang sang pagpaidalum sa probinsya sa Modified General Community Quarantine (MGCQ) sumugod sang Lunes.
Sugod sadtong Martes, June 2 ang mga turista kag bisita nga allowed makasulod sa Sipalay City amo lang anay ang mga residente sang Negros Occidental kag Bacolod City, mga pumuluyo sang amo nga ciudad kag mga dumuluong nga yari na nga daan sa probinsya sadtong Marso 1.
Samtang lakip sa mga tourism activities amo ang overnight accommodations para sa mga local kag non-local tourist, pagbisita sa mga pampubliko nga beach para sa mga locals kag checked-in tourists subong man excursion sa mga resorts para lang sa mga lokal.
Sa idalum sang Executive Order 2020-023 nga gin-issue ni Mayor Maria Gina Lizares, nabutang ang mga guidelines para sa mga turista, accommodation establishments, mga tourism related enterprises subong man tourism service provider.
[image: image.png]
