Nagtapok kagahapon atubangan sa Bayugan City Police Office ug Public Attorneys’ Office (PAO) ang gatosan nga mga investors’ sa Asia Business Corp. RD – Flex Trading aron mangayo ug tambag sa angay nilang buhaton human milayas na si Ryan Flores, ang nagpailang Chief Executive Officer (CEO) sa kompanya bitbit ang milyones nga kwarta gikan sa mga investors mao’ng hangtud karon walay pay-out nga nahitabo.
Gipahayag ni Punong Barangay Rommel Montecalvo sa Brgy. Mt. Olive, Bayugan city, Agusan del Sur nga plano nilang mopasaka ug kaso batok kang Mr. Flores apan nadugangan ang iyang kabalaka sa dihang ni-prangka matud pa ang Abogado nga possibleng maapil siya nga makasohan sanglit siya man ang nangdawat ug kwarta sa mga investors isip usa ka lider.
Mokabat sa 160 ka mga lider sa Asia Business Corp. ang possible malakip sa kaso, lakip na
Giangkon ni Kap. Montecalvo nga doble ang iyang kahasol karon sanglit gawas sa posibleng kaso batok kaniya, daghan na usab mga hulga nga iyang nadawat gikan sa mga investors sa pagduda nga iyang gibulsa ang mokabat sa 63 Milyon pesos nga investment.
Niya pa nga usa lang siya ka biktima sa naasyong Investment scam kay mismo iyang yuta ug falcatahan gibaligya aron adunay ma-invest sa Asia Business Corp. gumikan sa maayong dagan niini
[image: ruel.jpg]
