Gipahimutang na karon sa brgy. Hall ang mga biktima sa sunog sa Abellanosa St., Brgy. 17 ning syudad kagahapon sa kadlawon, nga mikabat sa 68 ka mga biktima.
Nasayran nga nadawat ang sunog sa alas-4:05 kagahapon sa buntag ug nakontrolar kini mga alas-4:40 samtang gideklarar nga fireout mga alas-5:46 sa buntag.
Gibutyag ni City Fire Marshall Supt. Richard Arbotante sa Bureau of Fire Protection, nga gibana-banang mokabat sa 500 tawsan pesos ang structural damage sa maong sunog, samtang padayon pang giimbistigahan sa B-F-P ang hinungdan sa insidente.
Basi sa inisyal nga imbistigasyon sa B-F-P, nga nagsugod ang kalayo sa painitan nga gipanag-iyahan sa magtiayong alberto ug sylvia buntog, kinsa nag-abang sa tindahan nga gipanag-iyahan sa pamilyang Canios.
Gawas sa mga balay, nasunog usab ang peso net, lotto both, mga naka-parking nga sikad ug tulo ka multicab sa maong dapit.
By; Radyoman Aiza Enloran adn Ellah Baculio
photo credit;
CSWD
