Gipasilong karon sa Lapasan Covered Court ang mga biktima sa sunog kaganihang kadlawon.
Nasayran nga nasunog ang boarding house ni Thelma Bernales Rivera kinsa adunay napulo ka kwarto.
Matud ni Rivera nga dako ang iyang katingala kung nganong sa banyo nagsugod ang kalayo, tungod kay wala kini suga ug walay kuryente.
Dugang pa ni Rivera nga maayo na lamang kay adunay usa sa iyang boarder ang misinggit og sunog, nga maoy nakapamata nilang tanan.
Buot usab ni Rivera nga mobalik gihapon sa pagpuyo sa nasunog nga balay.
Kini ang hinungdan nga mihangyo karon si Rivera sa mga barangay officials sa Baranagy Lapasan og dugang kahoy ug sen, nga iyang gamiton sa subling pagpatindog sa iyang balay.
Dugang pa ni Rivera nga wala gyud silay butang nga nadala tungod sa ilang kataranta.
Samtang, i-proseso lang ni Barangay Lapasan Kapitan Omar Labuntog ang gipasa karon sa barangay nga resolosyon aron nga mahatagan og tabang ang mga nabiktima sa sunog.
Matud ni Kapitan Labuntog nga iya ning i-proseso alang sa proper documentation tungod kay pangitaon kini sa mga tinugyanan sa gobyerno.
Dugang pa ni Kapitan Labuntog, nga kung maproseso na ang maong dokumento mosunod na niini ang proseso sa pagtabang sa mga biktima
By: Kasamang Mishelle Mesias-Enloran
