Pagadian City – Ikinakasa na ng Pagadian City PNP ang ipatutupad na mahigpit na seguridad sa mga sementeryo sa lungsod kaugnay ng nalalapit na paggunita sa Undas.
Sa interview ng RMN kay PSupt. Benito Recopuerto, nakatakdang magdeploy ang PNP ng mga operatiba na mangangalaga sa seguridad sa mga sementeryo.
Mahigpit ding babantayan ang bisinidad ng mga terminal ng mga bus dahil na rin sa inaasahang pagdagsa ng mga tao na magtutungo sa mga probinsya.
Nakahanda na rin ang mga traffic enforcers ng PNP na magmamando ng trapiko patungo sa malalaking sementeryo sa lungsod na dinaragsa ng mga tao na bumibisita sa puntod ng kanilang mga mahal sa buhay tuwing panahon ng Undas.
May ikinabit din sa mga sementeryo na mga CCTV camera na makakatulong sa seguridad ng mga taong pupunta sa lugar.
