Gipangsusi sa Department of Trade and Industry Region 10 uban ang City Price Coordinating Council kon CPCC sa pagpanguna ni Atty. Egay Uy, ang mga Christmas lights nga gipang baligya sa publiko.
Una niining gisusi niadtong Miyerkules ang Unitop kung asa ilang gipahinumduman ang management nga kinahanglan ibalik sa mga karton o sudlanan ang mga Christmas lights nga susihon o dili dayonon pagpalit sa mamalitay.
Samtang ang Kaking, ang gipahinumduman niini nga kinahanglan nga ibutang ang sticker nga adunay gibutang nga warning ug product safety mark.
Sa maong adlaw, unom ka mga supermarket ang ilang mga gipangsusi, hinungdan nga ilang gipahinumduman ang mga management sa kompanya nga musunod sa regulation aron nga dili mapahamtangan sa silot o kaha irekomenda nga pasirad-an ang ilang tindahan.
Samtang, tungod kay umaabot na ang kapaskohan, himuon usab sa City Price Coordinating Council ang price inspection sa mga noche Buena products.
